თუ დააკვირდებით სუპერმარკეტებში ადამიანები დიდი ხანი ყოვნდებიან ზეითუნის ზეთის განყოფილებასთან და ბევრს ფიქრობენ რას ნიშვანს “EXTRA VIRGIN OLIVE OIL” ან “POMACE OLIVE OIL”, შემდეგ კი გადაწყვეტილებას უმეტესად ვიზუალით , ფასით ან მწარმოებელი ქვეყნის მიხედვით იღებენ.

ალბათ არაერთი სტატია წაგიკითხავთ იმის შესახებ, თუ როგორი სასარგებლოა ზეითუნიას ზეთი, თუმცა ინფორმირებულები არ ვართ როგორ შევარჩიოთ სწორად ის.

დიახ, ზეითუნის ზეთი ყველაზე სასარგებლო და უვნებელი ცხიმია, მისი იდეალური ვარიანტი კი არის „EXTRA VIRGIN OLIVE OIL“- იგივე პირველადი ცივი დაწურვის ზეთი, რაც იმას ნიშნავს რომ პროდუქტი მიღებულია ქიმიური ჩარევის გარეშე. ზეთის ხილის დაჭყლეტვის შედეგად მისგან გამოწურული სითხე გაფილტრულია და ჩამოსხმული ბოთლებში, მას არ გაუვლია თერმული დამუშავება და შესაბამისად შენარჩუნებული აქვს ყველა სასარგებლო თვისება და სიკეთე, რაც შეიძლება ზეთის ხილისგან მივიღოთ. მისი ჟავიანობა 0,8%-მდეა და   დამზადებულია ახალდაკრეფილი ზეთისხილისგან. ახასიათებს მუქი ფერი, განსაკუთრებული არომატი , ცოცხალი გემო და რაც მთავარია არ დაგვავიწყდეს, რომ EXTRA VIRGIN OLIVE OIL გამოიყენება :  სალათებზე , პასტაზე მოსასხმელად, სოუსების მოსამზადებლად , ასევე თევზისა და ბოსტნეულის დასამარინადებლად.

რახ შეეხება  “POMACE OLIVE OIL”-ს ეს არის 100 %-ით ზეთის ხილისგან მიღებულუ ზეთი, რომელმაც გაიარა თერმული დამუშავების პროცესები და ამიტომ ცნობილია როგორც „მეორეული, ცხელი   დაწურვის ზეითუნის ზეთი“. მას გააჩნია მაღალი წვის გამძლეობა, შესაბამისად გამოიყენება ნებისმიერი პროდუქტის შესაწვავად და ცხობისათვის. შედარებით ღია ფერი , მსუბუქი სუნი და საგემოვნო თვისებები ახასიათებს.

შენახვის წესი:

 რაც შეეხება შენახვის წესს, იმისათვის რომ ზეთმა შეინარჩუნოს ყველა სასარგებლო თვისება აუცილებალია მოვათავსოთ მშრალ და ბნელ ადგილას, სადაც ტემპერატურა დაახლოებით 15 -23℃ -ა . ნუ შეინახავთ მაცივარში, ამ შემთხვევაში ბოთლის ფსკერზე ნალექი წარმოიქმნება, თუმცა ეს არა არის საგანგაშო, რადგან ხარისხიანი ზეთი ოთახის ტემპერატურაზე ისევ გამჭვირვალე ხდება და არ კარგავს საგემოვნო და სასარგებლო თვისებებს.